Fylgist spennt með

búin að poppa. Sit fyrir framan tölvuna og horfi á skjálftakort Veðurstofunnar. 50% líkur hvað?? Í bloggheimum og á spjallþráðum er fólk 95% visst á því að það fari að gjósa og helst í gær

 

Annars kemur jarðfræðinördinn upp í mér á svona stundum, ég leita uppi fréttir af Upptyppingum og ég get ekki sleppt því að fylgjast með þó ég eigi að vera að skrifa lokaritgerð. Ég er algjörlega komin yfir hræðsluna við eldfjöll sem varð til þess að ég grenjaði heilt kvöld í útilegu undir Heklu, 5 ára gömul. Hekla mátti nefnilega ekki gjósa á mig Núna segi ég henni að gjósa þegar ég er nógu nálægt til að sjá það. 

 

jæja, búin að koma upp um geðveiki mína fyrir framan alþjóð. Já ég viðurkenni það, ég er jarðfræðinörd

Helmingslíkur á eldgosi

Grey staurinn

en hvað er málið með að negla niður í snjó og hálku? Ef þú gleymir að þú ætlir að beygja þá bara heldurðu áfram og snýrð svo við.

 

Ég lenti í því að keyra aftan á um daginn, einmitt í mikilli snjókomu og hálku. Bíllinn sem var á undan mér negldi niður á gulu beygjuljósi. Hann var kominn ansi nálægt línunni og það kemur gult. Í staðinn fyrir að halda bara áfram því hann myndi ekki ná að stoppa þá tekur hann þessa furðulegu ákvörðun. Ég negli auðvitað líka niður, næ ekki að stýra frá og lendi aftan á. Hann fer langt fram yfir línuna og er ekki einu sinni stopp þegar ég lendi á honum. 

 

Ok Ok, ég hefði átt að passa mig betur, en mér datt ekki í hug að maðurinn ætlaði að stoppa þarna. 

Staurinn lá óvígur eftir

svo þetta fari ekki á milli mála

þá er textinn tvöfaldur

 

 

Og svo lít ég út eins og fífl þegar þeir breyta þessu því tölvan mín leyfir mér ekki að gera copy/paste í þennan texta 

 

Lenti vegna hjartveiks farþega

Tímavél??

Ég komst að því áðan að moggabloggið hefur aðgang að tímavél. Ég fékk tvo tölvupósta sem sendir voru á miðnætti 1. janúar 1970. Mér þykir þetta stórmerkilegt. Ég áttaði mig ekki á því að tölvupóstar hefðu verið til árið 1970, hvað þá bloggsíður.

 

Gaman að fá póst frá því áður en ég fæddist, verst hvað innihaldið var ómerkilegt

Góður dagur

Er ekki við hæfi að hafa fyrstu færsluna á blogginu um tvíburana hennar Jennifer Lopez? Þau hafa ákveðið að eiga sama afmælisdag og ég, sem er auðvitað mikill heiður fyrir krílin;) Til hamingju!!

 

 hehe, þetta var stutt færsla. Ég ákvað að stofna blogg því ég þurfti svo mikið að tjá mig (já eða afþví ég á að vera að læra þessa dagana og finn mér alltaf eitthvað annað að gera) og svo hef ég bara ekkert að segja. Ég held að ritstíflan sem ég á við að etja í verkefnavinnu þessa dagana sé farin að stífla aðra hluta heilans líka

Lopez eignast tvíbura