SNILLD!!

vá, ég hló svo mikið að ég endaði á því að hósta úr mér lifur og lungu. Þetta byrjaði alveg eins og youtube-myndböndin sem maður rekst stundum á, einhver rugludalllur að syngja og dansa með tónlist og kunna varla textann.

 

Og hver er þetta eiginlega?? Maðurinn er snillingur, lifði sig svo inn í þetta!!  


mbl.is „Fyndnasta og skemmtilegasta Eurovision myndbandið "
Tilkynna um óviðeigandi tengingu við frétt

800 hitaeiningar á dag

ekki skrýtið að maðurinn hafi misst alla kynlöngun, hann hefur varla haft orku til að fara á klósettið hvað þá að klifra upp á Madonnu.
mbl.is Kynlöngunin hvarf í megrunarkúrnum
Tilkynna um óviðeigandi tengingu við frétt

Ég vona

að þeir verði með sömu greiðslurnar!! Þær eru æði.
mbl.is New Kids on the Block snúa aftur
Tilkynna um óviðeigandi tengingu við frétt

Blogg segiði

Það vill greinilega enginn tjá sig um kynfræðslu þannig að það er eins gott að blogga bara um eitthvað annað.

 

Sit hérna afvelta eftir fermingarveislu, náði nú að halda aftur af mér í átinu en drakk því meira kaffi. Það gutlar í mér núna. Ég er að reyna að læra en það gengur svona upp og ofan, er ekki alveg í stuði fyrir þetta, en maður verður nú að klára þetta svo það sé hægt að læra undir próf. Úff hvað ég verð fegin að klára þetta nám, ég hlakka til þess að koma heim af vakt og þurfa ekki að setjast niður til að skrifa ritgerðir eða lesa misþungar hjúkrunarbækur. Ég er líka gríðarlega fegin að hafa ekki sótt um áframhaldandi nám næsta haust, þó svo líkurnar hafi verið litlar á því að komast inn þá hefði það getað gerst og ég held ég myndi fara yfirum ef ég þyrfti að skrifa fleiri verkefni næsta árið.

Svo er bara að sjá hvort það verður samið almennilega fyrir mína hönd í samningum í vor. Eins gott því ég verð að geta borgað útskriftarferðina, hún hefur hækkað ansi mikið og ekki búið að ganga frá öllum greiðslumCrying Hvað segiði, vantar ykkur ekki að kaupa skeinipappír og kaffi??

 

Ég hef nú svosem ekkert gáfulegt að segja, frekar en fyrri daginn. Er að jafna mig á því að deildin færði fram rannsóknardaginn þar sem kynning verður á lokaverkefnum sem þýðir það að skilum er flýtt um minnst viku. Ég skil ekki hvernig er hægt að gera svona og það án þess að láta nemendur vita. Við fengum póst í þarsíðustu viku þar sem nefnt var í framhjáhlaupi að þessi dagur væri 16. maí en ekki 23. eins og við bjuggumst við. Svo er bara sagt að þetta sé vegna þess að háskólinn flýtti útskrift. En halló, það var gert í haust, þið hafið haft marga mánuði til að segja okkur frá þessu!!! Ég og samskrifari minn (nýja orðið mitt) sluppum ágætlega þar sem við erum að klára verknám núna en sumir eru í verknámi fram að prófum og gerðu ráð fyrir þessari viku í skipulagningu vinnu sinnar. Ok, ok, ég er greinilega enn pirruð, bara ekki eins hoppandi reið og um daginnAngry

 

Jæja, ég er hætt þessu kjaftæði. Best að halda áfram að læra (ja eða þykjast læraBlush)


Kynfræðsla skiptir máli

Ein af hverjum fjórum táningsstúlkum í Bandaríkjunum er með kynsjúkdóm samkvæmt CDC. Ég vil meina (já, og fleiri sem halda því fram) að sá þrýstingur á skólana að kenna aðeins skírlífi sé að miklu leiti um að kenna. Mikill fjöldi skóla í Bandaríkjunum, og sum ríki, hafa þá stefnu að kenna ekki kynfræðslu, aðeins er hvatt til skírlífis en ekkert rætt um leiðir til að koma í veg fyrir kynsjúkdóma eða óvelkomna þungun. Þetta gengur ekki, unglingar stunda kynlíf hvort sem okkur líkar það betur eða verr. Það er því mikilvægt að þau fái fræðslu um varnir gegn sjúkdómum, já og getnaði en mér finnst sjúkdómavörnin skipta meira máli. Eina fræðslan sem mörg þessara barna fá kemur úr fjölmiðlum og af misgóðum síðum á netinu. Einnig þarf að fræða táninga um kynhegðun, að það sé í lagi að bíða, hvernig sjúkdómar smitast og hvað er hægt að lækna og hvað ekki.

 

Hér á landi er ekki lögð áhersla á kynfræðslu í aðalnámskrá grunnskóla. Fræðslan er mjög misjöfn eftir skólum og jafnvel eftir kennurum innan sama skóla. Þetta þarf að bæta því miklar ranghugmyndir um kynlíf og kynsjúkdóma er á oft sveimi í þessum hóp. Mér finnst ekki síður mikilvægt að ræða kynhegðun við unglingana en kynsjúkdóma og varnir gegn þeim. Á meðan ekki er lögð áhersla á þetta og jafnvel þó bætt verður úr þá er mikilvægt að foreldrar fræði sín börn, taki ábyrgð á þessum hluta uppeldisins. Ef þeir ekki treysta sér til má leita til heilbrigðisstarfsfólks, sérstaklega til skólahjúkrunarfræðinga sem eru færir um að ræða við börnin.


mbl.is Kynsjúkdómar útbreiddir meðal táningsstúlkna í Bandaríkjunum
Tilkynna um óviðeigandi tengingu við frétt

Voðalega kemur þetta seint inn

kemur fyrst hérna inn núna, nokkrum dögum síðar. Og á meðan ég horfði á fréttina á rúv um daginn sem fjallaði um hvarf hennar þá las ég á cnn.com að hún væri fundin.

 

ok, það er ljóst, ég fylgist of mikið með fréttum.  


mbl.is Waris Dirie hvarf í þrjá daga
Tilkynna um óviðeigandi tengingu við frétt

Umdæmi Selfosslögreglunnar

hmm, er Litla Kaffistofan í umdæmi Selfosslögreglunnar? Hvernig virkar það þegar heiðin er ófær og Þrengslin full af bílum?

 

En gott að ekki urðu slys á fólki.  


mbl.is Tvær bílveltur með skömmu millibili
Tilkynna um óviðeigandi tengingu við frétt

Er einhver til í.....

að útvega mogganum aðra mynd til að nota með kynlífsfréttum? Væri nú í lagi að eiga allavega tvær, geta notað þær til skiptis. Þessi klakamynd fer að verða ansi þreyttSleeping
mbl.is Kynmök taki sjö til þrettán mínútur
Tilkynna um óviðeigandi tengingu við frétt

Leyndardómar alheimsins

Getur einhver sagt mér afhverju maður labbar alltaf um alla íbúðina á meðan maður talar í símann?

Ef ég væri í símanum hálfan sólarhringinn, eins og sumir, væri parketið fljótt uppurið á helstu gönguleiðunumWhistling


og hversu margir miðar

fara beint til einstaklinga? Er þetta ekki bara sama sagan og með flesta stórtónleika sem haldnir hafa verið undanfarið, stórfyrirtæki eins og bankar kaupa upp miðana og hamast svo við að koma þeim út rétt fyrir tónleika. Það er ekki eðlilegt hversu hratt selst upp núorðið.
mbl.is Miðar á Clapton að klárast
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband