Ég er svo mikil hjúkka

að ég las þetta sem "full meðferð fram að endurlífgun stýrir Landsbankanum"

Kannski eitthvað til í því, ég veit ekki.


mbl.is FME stýrir Landsbankanum
Tilkynna um óviðeigandi tengingu við frétt

Takk fyrir allt

Paul Newman er látinn. Það fyrsta sem kemur upp í huga flestra þegar þeir hugsa um þennan mikla leikara eru einmitt afrek hans í kvikmyndum og jú, örbylgjupopp. En það var einmitt þetta örbylgjupopp og önnur matvara frá fyrirtæki hans sem hjálpaði til að skapa mína mynd af Paul Newman.

 

Árið 1994 var ég sú fyrsta á Íslandi, ásamt annarri stúlku, til að fara í sumarbúðir sem Paul Newman stofnaði fyrir langveik börn. Þarna var ég 12 ára gömul og hafði lokið krabbameinsmeðferð sem hófst þegar ég var 7 ára. Búðirnar sem við fórum í voru í Connecticut og hétu The Hole in the Wall Gang camp. Þessar búðir voru þær fyrstu sem Paul stofnaði og hefur þeim fjölgað mjög síðan þá. Síðan þetta var hefur fjöldi íslenskra barna sótt þessar stórskemmtilegu sumarbúðir, nú síðustu ár í Barretstown í Írlandi.

Sumarbúðirnar eru mjög sérstakar, einmitt þar sem þær eru fyrir langveik börn. Þarna skemmta börnin sér með öðrum sem hafa gengið í gegnum svipaða hluti og kynnast börnum frá öðrum löndum. Ég man eftir krökkum frá Rússlandi og Grikklandi, sem og auðvitað Bandaríkjunum. Þetta var ógleymanlegur tími. Það átta sig kannski ekki allir á því hversu mikilvægt og gott er að hitta fólk sem hefur gengið í gegnu svipaða hluti og þú sjálfur en þó ekki sé endalaust rætt um reynsluna þá er það allt annað að vera í kringum fólk sem skilur mann. 

 

En þessar búðir er ekki eina góðgerðarstarfsemi Pauls Newman, hann var einnig þekktur fyrir að styrkja hin ýmsu góðgerðarsamtök í heiminum, flest tengd börnum. Sú starfsemi sem hann hefur byggt upp lifir áfram og heldur minningu hans á lofti. 

 

Ég vel yfirleitt alltaf vörur Paul Newman fram yfir aðrar. Ég veit að með því er ég að styrkja hans starfsemi. Svo framleiðir hann líka besta límonaði í heimiSmile

Hér er hægt að skoða síðu sumarbúðanna sem ég fór í:

http://www.holeinthewallgang.org/

Hér eru búðirnar sem íslensk börn heimsækja nú í Írlandi

http://www.barretstown.org/

og hér er síða allra Hole in the Wall Camps

http://www.holeinthewallcamps.org/


mbl.is Paul Newman látinn
Tilkynna um óviðeigandi tengingu við frétt

Klukkan er 19:17

og loks er búið að skipta um mynd við fréttina. Síðan kl. 11:44 hefur verið mynd af Ellen DeGeneres og hennar fyrrverandi, Anne Heche. Rosalega voru þeir lengi að fatta þetta, þrátt fyrir fjölda bloggfærsla um málið.

 

En ég á ekkert að vera hérna inni, merkilegt hvað maður þarf mikið að tjá sig hér þegar maður á að vera að gera eitthvað mikilvægara eins og að læra eða þrífaWhistling


mbl.is DeGeneres og de Rossi gefnar saman
Tilkynna um óviðeigandi tengingu við frétt

Ekki eðlilegt

Ég ætti sennilega að byrja á því að taka það fram að ég vona að hinn frábæri leikari Morgan Freeman hafi ekki hlotið erfið eða alvarleg meiðsli og að hann nái sér fljótt og vel. En það sem mér blöskrar er að það sé hreinlega eðlilegt að einhver standi á slysstað og taki myndir á símann sinn!! Það er sagt frá þessu eins og það komi engum á óvart. Auðvitað ætti þetta að koma manni á óvart, þetta má ekki vera svona venjulegt mál. Ég vona að fleiri en ég hafi hikstað á þessu.
mbl.is Gerði að gamni sínu við björgunarmenn
Tilkynna um óviðeigandi tengingu við frétt

Fyrirgefið....

en kemur þetta mér við??

 

kannski er ég ekki nógu forvitin (nú skellir einhver upp úr). 


mbl.is Greiðir 450 milljónir
Tilkynna um óviðeigandi tengingu við frétt

Ég er búin að komast að niðurstöðu

Sá sem sá um að sauma nýju vinnufötin fyrir Landspítalann er brjóstaperri!!

Það er alltaf ein smella ónýt á hverjum jakka og hún er næstum alltaf þessi sem er beint yfir brjóstunum. Ég held að ég sé búin að flasha hálfan spítalann síðustu dagaGasp

 

Hef ekkert bloggað undanfarið, vonlaus bloggari. Varð bara að koma þessari niðurstöðu frá mér. Það hefur örugglega eitthvað spennandi gerst síðan síðast. ég bara man það ekki. 


Komin heim og tölvan enn biluð

Jæja þá er ég komin á klakann aftur. Missti greinilega af allri spennunni, skjálftum og dauðum ísbirni. Ok, reyndar ákvað annar bangsi að kíkja í heimsókn þannig að ég fæ nú aðeins að fylgjast með.

 

Mexíkó var æði, og New York reyndar líka. Hrakfallabálkurinn ég afrekaði það þó að brjóta á mér tá á 3 degi og var þess vegna ekki alveg í dansstuði í ferðinni. En ég lét mig nú hafa það að skoða svona eins og einn pýramída og aðrar rústir, og auðvitað lét ég djammið ekki alveg vera þrátt fyrir táruglið. Taskan var ansi mikið þung á leiðinni heim, gat reddað mér í NY með því að fylla eina litla tösku af þungu hlutunum og taka skóna með í handfarangri. Flugfélagið sem við flugum með til Cancún var nefnilega með einhverja furðulega reglu um að aðeins mætti taka eina tösku með í flugið. Flestir fóru þó með tvær en ég var svo hlýðin að ég var bara með eina tösku með. Gat því ekki keypt bleika hengirúmið sem ég er sannfærð um að myndi sóma sér vel fyrir framan bústaðinn hennar mömmu (svona ef hann kemst einhvern tímann upp). Ég kom heim á föstudagsmorgun og er eiginlega ennþá þreytt eftir ferðalagið og líkamsklukkan er ekki alveg komin á íslenskan tíma. Þrátt fyrir að vera hundfúl út í hjúkrunarfræðideildina fyrir að hafa neitað okkur um undanþágu á sumarprófum þá var ég eiginlega pínu fegin að þurfa ekki að koma heim og halda útskriftarveislu daginn eftir svona langt ferðalag.

 

En já, ég er byrjuð að vinna. Fyrsta vaktin var í morgun. Mér finnst þetta hafa verið snilldarhugmynd hjá mér, þ.e. að ráða mig á vökudeildina. Mér finnst þessi deild æði, allt svo spennandi. Það var líka spennandi í fyrra á barnadeildinni en gaman að prófa eitthvað nýtt. Ég held að sumarið verði stórskemmtilegt. Svo er ég líka mjög sátt við vaktaplanið mitt, það kemur vel út.

 

Hmmm, ég ætlaði örugglega að segja eitthvað meira hérna en heilinn hefur slökkt á sér. Maturinn er alveg að verða til, mamma ætlar að gefa litla barninu sínu að borða. Er semsagt í hennar tölvu þar sem mín er í ruglinu. Hallur bróðir fór með hana í viðgerð á meðan ég var úti þar sem hún slökkti alltaf á sér upp úr þurru. Snillingarnir sem fengu hana í hendurnar ákváðu að það þyrfti að skipta um harðan disk. Sem betur fer náðu þeir skjölunum út áður en það var gert en auðvitað vantar mig öll forritin sem í henni voru. Svo kem ég heim og byrja að tengja hana við netið og það gengur rosalega vel, alveg þangað til hún slökkti á sér!!! Þannig að hún er aftur í viðgerð, pirr pirr pirr.

En ég er hætt að tuða og farin að fá mér að borða. Tjái mig hér einhvern tímann seinna:) 


Júrófríkið í essinu sínu

Ég viðurkenni það fúslega, ég er Eurovision-nörd og hef verið síðan ég var barn. Ég var mikið heima sem barn vegna veikinda og þá bjargaði eurovision málunum. Ég hef ekki tölu á því hversu oft ég hef horft á keppnirnar frá þessum tíma (geðheilsa fjölskyldunnar hefur ekki borið þess bætur síðan). Síðan þá hef ég alltaf horft á keppnina nema eitt árið, þá var hlustað  í útvarpinu á leið í sveitina.

Í ár var ég rosalega ánægð með flutning Eurobandsins, en samt sem áður var ég orðin sannfærð um það undir það síðasta að við kæmumst ekki áfram, svartsýnin tók völdin. Þegar umslag númer fjögur var opnað stökk ég hæð mína í loft upp (er nú sem betur fer ekkert rosalega stór) og öskraði. Það verður sko frábært júrópartý hjá Halli bróður í kvöld!!! Var því miður búin að ákveða að sleppa því að halda partý sjálf því ég fer til Mexíkó eftir helgi. En það verður bara bætt upp á næsta ári, verð bara á staðnum þegar keppnin kemur hingaðWink

 

En að öðru, eru bloggsíður ekki til að monta sig á???  Má ég þá monta mig smá?? Bara pínu?!?!

 

ok ok, hér kemur montið!! Við fengum 9,5 fyrir BS ritgerðina!!!!!!LoL 9,5!! vá, ég var sko ánægð með ritgerðina en bjóst nú samt ekki alveg við svona einkunn. 

 

held að það sé ágætt að enda bloggið á þessu, já og ÁFRAM ÍSLAND!!!!! 


Tengdasystir???

hvað varð um orðið mágkona??
mbl.is Verndarfylgd Harry prins ók á ofsahraða
Tilkynna um óviðeigandi tengingu við frétt

Ekki kettir???

Eru þetta kannski ekki kettir sem ég hef verið að fylgjast með undanfarið? Var akkúrat að segja í gær hversu mikið væri af köttum í kringum mig. Kannski er ég bara farin að gleyma hvernig kettir líta út, hef forðast þá svo mikið síðustu árin.

 

En ég er mikið búin að reyna að hitta þessar rottur sem um er talað, skoðaði rosalega vel í kringum mig þegar ég labbaði til mömmu í kaffi í dag. Hitti nú engar en fann aðra misskemmtilega hluti á víðavangi. Ég þarf kannski að fara í miðbæinn og spyrja rotturnar þar hvar best sé að leita, mun auðveldara að finna þær þar. 

 

Og eitt enn, afhverju er mynd af mús með fréttinni? 


mbl.is Rottur í Réttarholti
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband